De Sako To Zindagani Do Mujhe
de sako to zindagani do mujhe
lafz to main hun maani do mujhe
kho na jae mujh mein ek bachcha hai jo
yun karo koi kahani do mujhe
ham-zaban mera yahan koi nahin
lao apni be-zabani do mujhe
hai hawa darkar meri aag ko
kab kaha us ne ki pani do mujhe
ek manzil ne to 'danish' ye kaha
raston ki kuchh nishani do mujhe
Madan Mohan Danish 
(462) Peoples Rate This