Main Tere Shahr Mein Aaya To Thahar Jaunga

main tere shahr mein aaya to Thahar jaunga

saya-e-abr nahin hun ki guzar jaunga

jazba-e-dil ka wo aalam hai to insha-allah

dard ban kar tere pahlu mein utar jaunga

mahz bekar na samjhen mujhe duniya wale

zindagi hai to koi kaam bhi kar jaunga

de ke aawaz to dekhe shab-e-tarik mujhe

raushni ban ke fazaon mein bikhar jaunga

chhoD ai raunaq-e-bazar mera daman-e-dil

sham aangan mein utar aai hai ghar jaunga

main mujahid hun kisi se nahin Darta lekin

samna KHud ka jo ho jae to Dar jaunga

raste saf hain sab fazl-e-KHuda se 'mahir'

koi diwar na rokegi jidhar jaunga

(444) Peoples Rate This

Related Poetry

Your Thoughts and Comments

Main Tere Shahr Mein Aaya To Thahar Jaunga In English By Famous Poet Mahir Abdul Hayee. Main Tere Shahr Mein Aaya To Thahar Jaunga is written by Mahir Abdul Hayee. Read famous Poem Main Tere Shahr Mein Aaya To Thahar Jaunga for youth and Student by Mahir Abdul Hayee. Free Download Main Tere Shahr Mein Aaya To Thahar Jaunga in PDF.