Waqt Ke Daman Se Dagh-e-tirgi Dho Jaenge
waqt ke daman se dagh-e-tirgi dho jaenge
dard ka suraj zamin-e-shab mein hum bo jaenge
aaj rone ki jagah par jin ko aati hai hansi
kal wahi hansne ke mauqe par lahu ro jaenge
kuchh na kuchh tuti ki bhi sunte agar ye jaante
ek din naqqar-KHane be-sada ho jaenge
raat ki ranginiyan munh dekhti rah jaengi
hum thakan se chur nange farsh par so jaenge
kis ne socha tha ye 'mahir' justuju ke josh mein
jangalon mein wapsi ke raste ho jaenge
Mahir Abdul Hayee 
(492) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544