Jab Juda PeDon Se KaT Kar Dali Dali Ho Gai

jab juda peDon se kaT kar Dali Dali ho gai

ek tere jangal ki majid god KHali ho gai

koi mausam ho ba-har-surat hawa chalti rahi

baDh gaya itna dhuan har shakl kali ho gai

mere chehre par likhi thin surKHiyan aKHbar ki

jo bhi surat samne aai sawali ho gai

hain wahi alfaz lekin wo maani hi nahin

baat sulh-o-ashti ki aaj gali ho gai

teri taswiron pe bhi apna nahin hai iKHtiyar

fasla itna baDha surat KHayali ho gai

KHun ka KHatt-e-istawa 'majid' tassub mein ghira

pyar ki baad-e-saba baad-e-shumali ho gai

(295) Peoples Rate This

Your Thoughts and Comments

Jab Juda PeDon Se KaT Kar Dali Dali Ho Gai In English By Famous Poet Majid-ul-Baqri. Jab Juda PeDon Se KaT Kar Dali Dali Ho Gai is written by Majid-ul-Baqri. Read famous Poem Jab Juda PeDon Se KaT Kar Dali Dali Ho Gai for youth and Student by Majid-ul-Baqri. Free Download Jab Juda PeDon Se KaT Kar Dali Dali Ho Gai in PDF.