Dara Ke Mauj O Talatum Se Ham-nashinon Ko
Dara ke mauj o talatum se ham-nashinon ko
yahi to hain jo Duboya kiye safinon ko
sharab ho hi gai hai ba-qadr-e-paimana
ba-azm-e-tark nichoDa jab aastinon ko
jamal-e-subh diya ru-e-nau-bahaar diya
meri nigah bhi deta KHuda hasinon ko
hamari rah mein aae hazar mai-KHane
bhula sake na magar hosh ke qarinon ko
kabhi nazar bhi uThai na su-e-baada-e-nab
kabhi chaDha gae pighla ke aabginon ko
yahi jahan hai jahannam yahi jahan firdaus
batao aalam-e-baala ke sair-binon ko
hue hain qafile zulmat ki wadiyon mein rawan
charagh-e-rah kiye KHun-chakan jabinon ko
tujhe na mane koi tujh ko is se kya 'majruh'
chal apni rah bhaTakne de nukta-chinon ko
Majrooh Sultanpuri 
(414) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544