Jo Samjhate Bhi Aa Kar Waiz-e-barham To Kya Karte
jo samjhate bhi aa kar waiz-e-barham to kya karte
hum is duniya ke aage us jahan ka gham to kya karte
haram se mai-kade tak manzil-e-yak-umr thi saqi
sahaara gar na deti laghzish-e-paiham to kya karte
jo miTTi ko mizaj-e-gul ata kar den wo ai waiz
zamin se dur fikr-e-jannat-e-adam to kya karte
sawal un ka jawab un ka sukut un ka KHitab un ka
hum un ki anjuman mein sar na karte KHam to kya karte
jahan 'majruh' dil ke hausle TuTen nigahon se
wahan karte bhi marg-e-shauq ka matam to kya karte
Majrooh Sultanpuri 
(413) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544