Muddaton Baad Hum Kisi Se Mile
muddaton baad hum kisi se mile
yun laga jaise zindagi se mile
is tarah koi kyun kisi se mile
ajnabi jaise ajnabi se mile
sath rahna magar juda rahna
ye sabaq hum ko aap hi se mile
zikr kanTon ki dushmani ka nahin
zaKHm phulon ki dosti se mile
un ka milna bhi tha na milna sa
wo mile bhi to be-ruKHi se mile
dil ne majbur kar diya hoga
jis se milna na tha usi se mile
un andheron ka kya gila 'maKHmur'
wo andhere jo raushni se mile
Makhmoor Saeedi 
(518) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544