Har Taraf Shor Hai Mani Chaman-arai Hai

har taraf shor hai 'mani' chaman-arai hai

tu bhi phir dars-e-fughan de ki bahaar aai hai

be-talab sab ne yahan dad-e-sitam pai hai

hashr hai nala na karne mein bhi ruswai hai

waqai kuchh nahin ya kuchh nazar aata hi nahin

dil-e-mahjur ye zulmat hai ki tanhai hai

muddaa mere junun ka to hai tahsin-e-bahaar

aur duniya ye samajhti hai ki saudai hai

aastan jazb-e-jabin hai magar ai fitrat-e-ishq

main hun aur hausla-e-nasiya-farsai hai

aa ki imdad-e-tasawwur se bhi mahrum hun ab

aur dil sajda-e-aKHir ka tamannai hai

sab rahe sirf badalta raha mahfil ka nizam

tu hai aur silsila-e-anjuman-arai hai

sare aalam ki raqabat ka junun hai mujh ko

aur buniyaad-e-junun aap ki yaktai hai

tu bhi hai un ke liye manzar-e-ibrat 'mani'

jin ka yun dida-e-hasrat se tamashai hai

(408) Peoples Rate This

Your Thoughts and Comments

Har Taraf Shor Hai Mani Chaman-arai Hai In English By Famous Poet Mani Jayasi. Har Taraf Shor Hai Mani Chaman-arai Hai is written by Mani Jayasi. Read famous Poem Har Taraf Shor Hai Mani Chaman-arai Hai for youth and Student by Mani Jayasi. Free Download Har Taraf Shor Hai Mani Chaman-arai Hai in PDF.