Jahan Se Ab Guzarna Chahte Hain
jahan se ab guzarna chahte hain
ki hum jannat mein rahna chahte hain
tawajjoh aap farmaen agar to
kuchh hum bhi arz karna chahte hain
zara tegh-e-nigah ko tez kije
ki hum bhi kuchh taDapna chahte hain
chhupa rakkhi jo hai wo jam de de
wahi pi kar bahakna chahte hain
maza aashiq ko is mein bhi hai milta
jafaen teri sahna chahte hain
hue hain tang is duniya se aise
bila-taKHir marna chahte hain
waraq 'KHushtar' kitab-e-zindagi ka
koi taza ulaTna chahte hain
Mansoor Khushtar 
(384) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544