Mera Maslak Hai Mohabbat Dosti Shewa Mera
mera maslak hai mohabbat dosti shewa mera
meri manzil bhi yahi hai aur yahi rasta mera
kyun kisi se kuchh bayan karta bhi main rudad-e-gham
haal-e-dil ka aaina bhi mera hai chehra mera
apni waza-dari ne hone diya ruswa nahin
go raha mahrumiyon se umr-bhar rishta mera
aabla-pai se kab sahra-nawardi ruk saki
ek rafiq-e-rah ki surat hai zaKHm-e-pa mera
doston ko ho mubarak bhi faza-e-gulistan
rah kab se dekhta hai daman-e-sahra mera
waza-dari doston se ho saki itni nahin
dushmanon mein raat-din to hota hai charcha mera
aap hi ne to mohabbat se kaha tha ek din
aashiq-e-jaan-baz hai 'KHushtar' faqat tanha mera
Mansoor Khushtar 
(399) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544