Bas Ek Bar UThen Samna Hi Kar Dalen
bas ek bar uThen samna hi kar Dalen
wabaal-e-jaan hai Dar KHatma hi kar Dalen
qubuliyat ko suna hai ki zid dua se hai
to kyun na aisa karen bad-dua hi kar Dalen
khisakte lamhon se ye zindagi ne puchh liya
haqir hum hain ki tum faisla hi kar Dalen
nishat-o-kaif ke saman an-qarib kahan
ab iKHtisar-e-saf-e-maddua hi kar Dalen
irada kar jo liya tark-e-KHud-kalami ka
to yaad-e-mazi ka gham maktiba hi kar Dalen
'asar' zaban ko dushwariyan bhi hain lahiq
so ehtimam koi dusra hi kar Dalen
Marghoob Asar Fatmi 
(441) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544