Maza Lams Ka Be-zabani Mein Tha
maza lams ka be-zabani mein tha
ajab zaiqa KHush-gumani mein tha
meri wusaton ko kahan jaanta
wo mahw apni hi be-karani mein tha
miTate rahe awwalin yaad ko
ki jo naqsh tha naqsh-e-sani mein tha
bahut der tak log sahil pe the
safina mera jab rawani mein tha
hamin se na aadab barte gae
saliqa bahut mezbani mein tha
mai-e-kohna mein tha nasha-dar-nasha
magar jo maza taza pani mein tha
hamein wo hamin se juda kar gaya
baDa zulm is mehrbani mein tha
safar mein achanak sabhi ruk gae
ajab moD apni kahani mein tha
Mazhar Imam 
(471) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544