Mast Hum Ko Sharab Mein Rahna
mast hum ko sharab mein rahna
kuchh ho is sair-e-ab mein rahna
abhi to kuchh nin kiya hai ghusse ho
yunhi yunhi itab mein rahna
aur se be-hijabiyan karna
ek hum se hijab mein rahna
tujh bin ai shama-ru mujhe har shab
shoala sa iztirab mein rahna
yaad mein us ki zulf ki ai dil
kab tain pech-o-tab mein rahna
kuchh tanabboh tujhe nahin ab tak
nam 'bedar' KHwab mein rahna
Meer Mohammadi Bedar 
(327) Peoples Rate This