Mat Puchh Tu Jaane De Ahwal Ko Furqat Ke
mat puchh tu jaane de ahwal ko furqat ke
jis taur kaTe kaTe ayyam musibat ke
ji mein hai dikha dije yak roz tere qad ko
jo shaKHs ki munkir hain ai yar qayamat ke
kahta hun ghalat tujh se main dil ko chhuDaunga
chhuTte hain kahin pyare bandhe hue ulfat ke
qasr-o-mahal-e-munim tujh ko hi mubarak hon
baiThe hain hum aasuda goshe mein qanaat ke
bedar chhupae se chhupte hain koi tere
chehre se numayan hain aasar mohabbat ke
Meer Mohammadi Bedar 
(273) Peoples Rate This