Maraz Ke Waste Itni Dawa Ziyaada Hai
maraz ke waste itni dawa ziyaada hai
mere sawal se teri ata ziyaada hai
tumhaari subh mein ek rang hai nadamat ka
mujhe bhi raat se KHauf-e-KHuda ziyaada hai
meri wafaon ki ujrat tumhaari jaan mein hai
mere hisab se ye KHun-baha ziyaada hai
sharab-e-ishq hai donon ke jam mein lekin
meri sharab mein KHun-e-wafa ziyaada hai
na jaane Dhal gaya kaise main tere sanche mein
mere mizaj mein waise ana ziyaada hai
ye shohraten nae dushman bahut banati hain
sambhal ke rahna tumhaari hawa ziyaada hai
Mehshar Afridi 
(1854) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544