Subh Hota Hai Sham Hota Hai
subh hota hai sham hota hai
KHun-e-nahaq mudam hota hai
pher lete ho munh hiqarat se
ye jawab-e-salam hota hai
KHauf aata hai jis ko marne se
us ka jina haram hota hai
aa ke rindon mein ho sharik ai shaiKH
chhup ke pina haram hota hai
kahte ho aap ka yahan kya kaam
arz-e-gham bhi to kaam hota hai
kya kalam us ki KHush-nasibi mein
jis se tu ham-kalam hota hai
fitne hai be-qarar uThne ko
kaun mahshar-KHiram hota hai
aamad aamad hai ai 'wafa' kis ki
aaj kya ehtimam hota hai
Mela Ram Wafa 
(369) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544