Main To Apne Aapko Pahchanna Hi Chahta Hun
main to apne aap ko pahchanna hi chahta hun
jaanta jo kuchh nahin wo jaanna hi chahta hun
sau farishte le ke mere pas aaen jo sahifa
us ko apni chhalniyon mein channa hi chahta hun
saikaDon suraj khaDe hain aaina dar dast lekin
sar pe zulmat ki rida main tanna hi chahta hun
jo mere maujud mein hai aur la-maujud mein
jaan sakta hi nahin aur jaanna hi chahta hun
main jo dushman ke bulawe par nikal aaya hun 'midhat'
bar-sar-e-maidan mein kuchh Thanna hi chahta hun
Midhat-ul-Akhtar 
(380) Peoples Rate This