Chaak Ki KHwahish Agar Wahshat Ba-uryani Kare
chaak ki KHwahish agar wahshat ba-uryani kare
subh ke manind zaKHm-e-dil garebani kare
jalwe ka tere wo aalam hai ki gar kije KHayal
dida-e-dil ko ziyarat-gah-e-hairani kare
hai shikastan se bhi dil naumid ya rab kab talak
aabgina koh par arz-e-giran-jaani kare
mai-kada gar chashm-e-mast-e-naz se pawe shikast
mu-e-shisha dida-e-saghar ki mizhgani kare
KHatt-e-ariz se likha hai zulf ko ulfat ne ahd
yak-qalam manzur hai jo kuchh pareshani kare
Mirza Ghalib 
(1272) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544