Dil Laga Kar Lag Gaya Un Ko Bhi Tanha BaiThna

dil laga kar lag gaya un ko bhi tanha baiThna

bare apni bekasi ki hum ne pai dad yan

hain zawal-amada ajza aafrinash ke tamam

mahr-e-gardun hai charagh-e-rahguzar-e-baad yan

hai tarahhum-afrin aaraish-e-be-dad yan

ashk-e-chashm-e-dam hai har dana-e-sayyaad yan

hai gudaz-e-mom andaz-e-chakidan-ha-e-KHun

nish-e-zambur-e-asal hai nashtar-e-fassad yan

na-gawara hai hamein ehsan-e-sahab-daulatan

hai zar-e-gul bhi nazar mein jauhar-e-faulad yan

jumbish-e-dil se hue hain uqda-ha-e-kar wa

kam-tarin mazdur-e-sangin-dast hai farhad yan

qatra-ha-e-KHun-e-bismil zeb-e-daman hain 'asad'

hai tamasha kardani gul-chini-e-jallad yan

(1907) Peoples Rate This

Your Thoughts and Comments

Dil Laga Kar Lag Gaya Un Ko Bhi Tanha BaiThna In English By Famous Poet Mirza Ghalib. Dil Laga Kar Lag Gaya Un Ko Bhi Tanha BaiThna is written by Mirza Ghalib. Read famous Poem Dil Laga Kar Lag Gaya Un Ko Bhi Tanha BaiThna for youth and Student by Mirza Ghalib. Free Download Dil Laga Kar Lag Gaya Un Ko Bhi Tanha BaiThna in PDF.