Kabe Mein Ja Raha To Na Do Tana Kya Kahen
kabe mein ja raha to na do tana kya kahen
bhula hun haqq-e-sohbat-e-ahl-e-kunisht ko
taat mein ta rahe na mai-o-angbin ki lag
dozaKH mein Dal do koi le kar bahisht ko
hun munharif na kyun rah-o-rasm-e-sawab se
TeDha laga hai qat qalam-e-sarnawisht ko
'ghaalib' kuchh apni sai se lahna nahin mujhe
KHirman jale agar na malaKH khae kisht ko
Mirza Ghalib 
(1269) Peoples Rate This