Nahin Ki Mujhko Qayamat Ka Etiqad Nahin
nahin ki mujh ko qayamat ka e'tiqad nahin
shab-e-firaq se roz-e-jaza ziyaad nahin
koi kahe ki shab-e-mah mein kya burai hai
bala se aaj agar din ko abr o baad nahin
jo aaun samne un ke to marhaba na kahen
jo jaun wan se kahin ko to KHair-baad nahin
kabhi jo yaad bhi aata hun main to kahte hain
ki aaj bazm mein kuchh fitna-o-fasad nahin
alawa id ke milti hai aur din bhi sharab
gada-e-kucha-e-mai-KHana na-murad nahin
jahan mein ho gham-e-shadi baham hamein kya kaam
diya hai hum ko KHuda ne wo dil ki shad nahin
tum un ke wade ka zikr un se kyun karo 'ghaalib'
ye kya ki tum kaho aur wo kahen ki yaad nahin
Mirza Ghalib 
(2043) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544