Phir Is Andaz Se Bahaar Aai
phir is andaz se bahaar aai
ki hue mehr o mah tamashai
dekho ai sakinan-e-KHitta-e-KHak
is ko kahte hain aalam-arai
ki zamin ho gai hai sar-ta-sar
ru-kash-e-sath-e-charKH-e-minai
sabza ko jab kahin jagah na mili
ban gaya ru-e-ab par kai
sabza o gul ke dekhne ke liye
chashm-e-nargis ko di hai binai
hai hawa mein sharab ki tasir
baada-noshi hai baada-paimai
kyun na duniya ko ho KHushi 'ghaalib'
shah-e-din-dar ne shifa pai
Mirza Ghalib 
(1790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544