Rone Se Aur Ishq Mein Bebak Ho Gae
rone se aur ishq mein bebak ho gae
dhoe gae hum itne ki bas pak ho gae
sarf-e-baha-e-mai hue aalat-e-mai-kashi
the ye hi do hisab so yun pak ho gae
ruswa-e-dahr go hue aawargi se tum
bare tabiaton ke to chaalak ho gae
kahta hai kaun nala-e-bulbul ko be-asar
parde mein gul ke lakh jigar chaak ho gae
puchhe hai kya wajud o adam ahl-e-shauq ka
aap apni aag ke KHas-o-KHashak ho gae
karne gae the us se taghaful ka hum gila
ki ek hi nigah ki bas KHak ho gae
is rang se uThai kal us ne 'asad' ki nash
dushman bhi jis ko dekh ke ghamnak ho gae
Mirza Ghalib 
(1454) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544