قاتل عالم سے کیا یارانہ ہے
قاتل عالم سے کیا یارانہ ہے
دل چراغ گور کا پروانہ ہے
ہر مکاں میں جلوۂ جانانہ ہے
عاشقوں کا ہر جگہ افسانہ ہے
چھین لے گا بہر زلف عنبریں
یہ دل صد چاک رشک شانہ ہے
لوگ کہتے ہیں جسے پیر مغاں
یار کا کیا جلوۂ مستانہ ہے
حلقۂ اعدا میں ہے وہ سیم بر
گنج ہے جس جا وہاں ویرانہ ہے
جس جگہ چلتے تھے کل جام شراب
آج واں الٹا ہوا پیمانہ ہے
بیعت دست سبو سے یہ کھلا
سب سے بہتر مشرب رندانہ ہے
کیوں نہ پھانسے دولت دنیا ہمیں
ہے وہاں پر دام جس جا دانہ ہے
مرد آخر بیں کے آگے منعموں
کثرت ہستی بھی اک ویرانہ ہے
کام کیا ہے اس کو ملک و مال سے
پاس جس کے ہمت مردانہ ہے
ہجر میں اشک مسلسل زاہدا
عاشقوں کا سبحۂ صد دانہ ہے
منتہیؔ زیر قدم اس یار کے
سر کٹانا سجدۂ شکرانہ ہے
(670) ووٹ وصول ہوئے
Qatil-e-alam Se Kya Yarana Hai In Urdu By Famous Poet Mirza Maseeta Beg Muntahi. Qatil-e-alam Se Kya Yarana Hai is written by Mirza Maseeta Beg Muntahi. Enjoy reading Qatil-e-alam Se Kya Yarana Hai Poem on Inspiration for Students, Youth, Girls and Boys by Mirza Maseeta Beg Muntahi. Free Dowlonad Qatil-e-alam Se Kya Yarana Hai by Mirza Maseeta Beg Muntahi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends