Nit Ji Hi Ji Mein Ishq Ke Sadme UThaiyo
nit ji hi ji mein ishq ke sadme uThaiyo
shikwe ki baat munh pe 'hawas' tum na laiyo
shauq in dinon hua hai use dastan ka
yaro koi meri bhi kahani sunaiyo
rahne de meri KHak tu us dar pe ai saba
musht-e-ghubar-e-KHasta-dilan mat uThaiyo
ji ko yaqin hai hashr mein DhunDunga main tujhe
zalim wahan tu mujh se na mukhDa chupaiyo
is mein ziyan hai jaan ka sunta hai ai 'hawas'
zinhaar bar-e-ishq na sar par uThaiyo
Mirza Mohammad Taqi Hawas 
(780) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544