Rang-e-gul-e-shagufta Hun Aab-e-ruKH-e-chaman Hun Main
rang-e-gul-e-shagufta hun aab-e-ruKH-e-chaman hun main
sham-e-haram charagh-e-dair qashqa-e-barahman hun main
kasrat-e-jaur-e-yar se sab hain ye mere juzw-e-tan
soz-o-malal-o-yas-o-dard ranj-o-gham-o-mehan hun main
main hun nasim to bahaar main hun shamim zulf-e-yar
go ki nazar se hun nihan daKHil-e-anjuman hun main
sarw-nashin aur hain shaKH-nashin gul aur hain
qumri-e-ashiyan-KHarab bulbul-e-be-watan hun main
KHanda-zanan hain tujh pe go ye KHirdan-e-rozgar
ahl-e-KHirad mein ai 'hawas' raunaq-e-anjuman hun mein
Mirza Mohammad Taqi Hawas 
(788) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544