Jaanne Ke Liye Betab Tha Aghyar Ka Haal
jaanne ke liye betab tha aghyar ka haal
us ne puchha na hamare dil-e-bimar ka haal
shama bhi jalne pe aamada thi parwana bhi
ek jaisa hi tha matlub-o-talabgar ka haal
sogwari mein hamari the barabar ke sharik
hum se milta tha hamare dar-o-diwar ka haal
sarw-e-timsal hai qamat mein shabahat mein gulab
kya bayan samne us ke karen gulzar ka haal
us taraf jo bhi gaya lauT ke aaya na kabhi
puchhiye kis se maqam-e-rasam-o-dar ka haal
sab ne dil tham liya dekh ke us ko 'abid'
ek hi jaisa hua kafir-o-dinda ka haal
Mohammad Abid Ali Abid 
(592) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544