Na BaKHsha Gul Ko Bhi Dast-e-qaza Ne
na baKHsha gul ko bhi dast-e-qaza ne
bahut minnat-samajat ki saba ne
safar mein rahnumai ke bahane
lagaya barq ne mujh ko Thikane
salasil toDna mushkil nahin tha
mujhe roka sada ahd-e-wafa ne
siwa tere nahin kuchh didani hai
manazir hain sabhi sadiyon purane
tawazun rishton mein rakkha hai qaem
jafa ne aap ki meri wafa ne
Mohammad Abid Ali Abid 
(497) Peoples Rate This