Dosti Chah Dili Mehr-o-mohabbat Guzri
dosti chah dili mehr-o-mohabbat guzri
sidhe munh baat bhi karta nahin rut guzri
ek misra jo paDha wasf-e-qad-e-yar mein hum
sarw ke sar pe gulistan mein qayamat guzri
ham-nashin puchh na kuchh chup hi bhali hai us se
shab-e-furqat mein jo kuchh hum pe saubat guzri
subh ko nam kisi ne jo liya is ka yahan
dil-e-mushtaq pe be-tarah ki haalat guzri
aankh hum se jo milata nahin wo aaina-ru
KHaksaron se ye kya dil mein kudurat guzri
kabhu laDta tha kabhu hans ke lipaT jata tha
kyun 'nisar' us se ajab raaton ki sohbat guzri
Mohammad Amaan Nisar 
(618) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544