Ghazal Apni Riwayat Hai Ghazal Tahzib Se Hogi
ghazal apni riwayat hai ghazal tahzib se hogi
kisi ki husn-arai kisi taqrib se hogi
baham hain bijliyan aatish sharare nau-ba-nau tufan
mere KHirman ki barbaadi baDi tarkib se hogi
ajab tarz-e-taghaful hai dikha kar aag is dil ko
wo farmate hain ye aatish-zani taKHrib se hogi
kaf-e-saiyaad dam-e-KHush-numa zanjir o zindan tak
asiri umr ki hogi magar tartib se hogi
taqaza-e-mohabbat hai ki tazin-e-gulistan ho
jo dast-e-ghair se hogi na kuchh tansib se hogi
meri diwangi par wo pasheman ho gae honge
unhen bhi to pareshani kisi tajib se hogi
mohabbat mein kisi parda-nashin se guftugu yaro
kabhi ramz o kinae se kabhi tashbib se hogi
Mohammad Khalid 
(641) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544