Dil Mein Mere Har GhaDi Dariya-e-gham Labrez Hai
dil mein mere har ghaDi dariya-e-gham labrez hai
baat jo munh se nikalti hai wo dard-amez hai
zabt karta hun to baDhta hai mera soz-e-darun
ashk se bhi apne Darta hun ki tufan-KHez hai
pahle in aankhon se sail-e-ashk hota tha rawan
ab wufur-e-gham se meri chashm-e-tar KHun-rez hai
aarzu tak ho gai dil ke liye bar-e-garan
na-tawani ke sabab arman bhi hasrat-KHez hai
hai abas saman-e-farhat gham-zada dil ke liye
mere lab ko KHud tabassum se baDa parhez hai
din gae tafrih ke jab se hua dil gham-kada
kya gharaz hum ko agar duniya tarab-angez hai
is zamin par kar raha hai tai masafat har-nafas
wo mubarak hai qadam jis ka safar mein tez hai
qalb-e-'hafiz' ta-dam-e-aKHir na paega sukun
jumla-saman-e-tarab-angez wahshat-KHez hai
Mohammad Wilayatullah 
(539) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544