Nigah-e-naz Ka Rishta Jo Dil Ke Ghaw Se Hai
nigah-e-naz ka rishta jo dil ke ghaw se hai
ye aab-o-rang-e-tamanna isi lagaw se hai
ba-qadr-e-zarf piye aur apni rah lage
sharab-KHane ki raunaq hi chal-chalaw se hai
wafa to kya hai bas ek pas-e-waza kah lije
aur itni baat bhi mere hi rakh-rakhaw se hai
hakim apne hi sae ki nap-tol mein gharq
farogh-e-fikr magar aql ke giraw se hai
Mohammed Nabi Khan Jamal Soveda 
(596) Peoples Rate This