Samaaton Ke Liye Raaz ChhoD Aae Hain
samaaton ke liye raaz chhoD aae hain
hum us ke shahr mein aawaz chhoD aae hain
hum us ki soch mein imkan-e-intiha se alag
naya safar naya aaghaz chhoD aae hain
muzakaraat sar-e-wasl kaamyab rahe
jo kuchh kiya tha pas-andaz chhoD aae hain
hawa mein uDta hua rizq pa liya lekin
parinde jurat-e-parwaz chhoD aae hain
labon ko us ki hatheli pe rakh ke hum 'mohsin'
taKHaiyyulat ke eajaz chhoD aae hain
Mohsin Asrar 
(468) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544