KHabar Kya Thi Na Milne Ke Nae Asbab Kar Dega
KHabar kya thi na milne ke nae asbab kar dega
wo kar ke KHwab ka wada mujhe be-KHwab kar dega
kisi din dekhna wo aa ke meri kisht-e-viran par
uchaTti si nazar Dalega aur shadab kar dega
wo apna haq samajh kar bhul jaega har ek ehsan
phir is rasm-e-ana ko daKHil-e-adab kar dega
na karna zom us ka tarz-e-istidlal aisa hai
ki naqsh-e-sang ko tahrir-e-mauj-e-ab kar dega
asir apne KHayalon ka bana kar ek din 'mohsin'
KHabar kya thi mujhe mere liye kamyab kar dega
Mohsin Bhopali 
(620) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544