Nigar-e-subh-e-daraKHshan Se Lau Lagae Hue
nigar-e-subh-e-daraKHshan se lau lagae hue
hain apne dosh pe apni salib uThae hue
guzar rahe hain dabe panw waqt ki manind
faraaz-e-dar pe apni nazar jamae hue
sila mile na mile KHun-e-dil chhiDakte chalen
har ek KHar hai dast-e-talab baDhae hue
wo ab bhi saya-e-abr-e-rawan ko takte hain
jinhen zamana hua apna ghar jalae hue
chhalak saka na kabhi jam-e-chashm-e-tar 'mohsin'
agarche umr hui hum ko gungunae hue
Mohsin Bhopali 
(640) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544