Rakh Kuchh Dil Mein Ziyaada Hai Sharara Kam Hai
rakh kuchh dil mein ziyaada hai sharara kam hai
hum ne is aaine mein aks utara kam hai
raushni aaj ajab tirgi-e-KHak mein hai
aasman dekh tera ek sitara kam hai
DhunDhta phirta hun KHar-o-KHas-o-KHashak mein husn
meri binai ko saughat-e-nazara kam hai
marg-e-yaran-e-suKHan-sanj pe KHun rota hun
kya karun sabr ki ab sabr ka yara kam hai
tum ko andaza-e-sailab nahin hai 'mohsin'
baadalon ne jo kiya kya wo ishaara kam hai
Mohsin Ehsan 
(701) Peoples Rate This