Main Koi Dasht Main Diwar Nahin Kar Sakta
main koi dasht main diwar nahin kar sakta
shahr ab mujh pe kabhi war nahin kar sakta
main nahin chahta har dam teri yaadon ka hujum
apni tanhai mein darbar nahin kar sakta
tera gham ho ki gham-e-dahr uThane mein hai kya
kaam kya hai jo ye bimar nahin kar sakta
ek imarat mere andar hui mismar to ab
kya mujhe waqt sar-e-dar nahin kar sakta
apni qimat mujhe malum hai darbar-e-suKHan
teri qimat pe ye bazar nahin kar sakta
Moid Rashidi 
(754) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544