Qarya-e-viran

jhulse peD jali aabaadi kheti sukhi KHirman rakh

hast-o-bud ka madfan rakh

girte baam-o-dar ke liye galiyon ka aaghosh

jaise ye diwaron ko the kab se wabaal-e-dosh

bar haTa to aaya hosh

panghaT aur chaupal bhi sune rahen bhi sunsan

galiyan aur kuche viran

jhonke sukhe patte rolen bikhri rakh uDain

rakh aur patte ban ke bagule apna nach dikhaen

aur wahin rah jaen

ye basti ab toD chuki hai hasti ki zanjir-e-giran

aur quyud-e-zaman-o-makan

waqt ke Daku chakkar us ko bisat mutabiq luT chuke

us ke liye mahaul-o-fiza ke sare bandhan TuT chuke

mazi-o-haal bhi chhuT chuke

kaun aae jo aa kar is mein zist ke rang bhare

kheton ko sarsabz kare

gali gali aur kucha kucha panghaT aur chaupal

khelte bachchon hansti jawani se kar de chonchaal

zinda kar de mazi-o-haal

(742) Peoples Rate This

Mukhtar Siddiqui's More Poetry

Your Thoughts and Comments

Qarya-e-viran In English By Famous Poet Mukhtar Siddiqui. Qarya-e-viran is written by Mukhtar Siddiqui. Read famous Poem Qarya-e-viran for youth and Student by Mukhtar Siddiqui. Free Download Qarya-e-viran in PDF.