Log Sab Qimti Poshak Pahan Kar Pahunche
log sab qimti poshak pahan kar pahunche
aur hum jama-e-sad-chaak pahan kar pahunche
motiyon wali qaba wale KHuda ke ghar tak
jism par pairhan-e-khak pahan kar pahunche
pagalon jang bagulon se chhaDi thi aur tum
apne tan par KHas-o-KHashak pahan kar pahunche
bazm-e-shadi ko na lag jae buri koi nazar
is liye daman-e-gam-nak pahan kar pahunche
haq-bayani ka uThaya tha jo zimma hum ne
is liye lahja-e-be-bak pahan kar pahunche
yun to pahunche the KHushi oDh ke mahfil mein teri
ghar talak dida-e-namnak pahan kar pahunche
ek din wo bhi nashebon mein milenge 'nayab'
arsh tak jo kabhi aflak pahan kar pahunche
Nitin Nayab 
(1492) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544