کوئے جاناں مجھ سے ہرگز اتنی بیگانہ نہ ہو
کوئے جاناں مجھ سے ہرگز اتنی بیگانہ نہ ہو
عین ممکن ہے کہ پھر تیری طرف آنا نہ ہو
عین ممکن ہے کہ دہراؤں حدیث دیگراں
آج جو میری زباں پر ہے وہ افسانہ نہ ہو
عین ممکن ہے کہ جا پہنچوں کسی مریخ پر
اس زمیں سے کوئی رشتہ کوئی یارانہ نہ ہو
پیر مے خانہ یہ ممکن ہے کہ میرا جانشیں
رند ہو پر واقف آداب مے خانہ نہ ہو
تو مجھے فرزانگی کا فن نہ سکھلا اے خرد
عین ممکن ہے کہ مجھ سا کوئی دیوانہ نہ ہو
عین ممکن ہے کہ میں تجھ سے بچھڑ جانے کے بعد
ایسا بن جاؤں کہ خود تیری جسے پروا نہ ہو
عین ممکن ہے کہ تیری بے رخی کو دیکھ کر
میں وہ کافر ہوں جو مسحور رخ زیبا نہ ہو
سوچ مت اے دوست تیرے بعد کیا ہوگا یہ سوچ
یعنی میرے بعد پھر مجھ سا کوئی پیدا نہ ہو
پھر نہ اٹھے کوئی عارف میری وضع خاص کا
اور مجھ سا شاعر سرشار و ہوش افزا نہ ہو
یعنی میرے بعد کوئی مرد حکمت آفریں
منظر حکمت پہ آئے اور فرزانہ نہ ہو
مجھ کو ترک دوستی کے اس قدر طعنے نہ دے
میں ترا دشمن نظر آنے لگوں ایسا نہ ہو
پھر کہے دیتا کہے دیتا کہے دیتا ہوں میں
کوئے جاناں مجھ سے ہرگز اتنی بیگانہ نہ ہو
(614) ووٹ وصول ہوئے
In Urdu By Famous Poet Rais Amrohvi. is written by Rais Amrohvi. Enjoy reading Poem on Inspiration for Students, Youth, Girls and Boys by Rais Amrohvi. Free Dowlonad by Rais Amrohvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends