ہجر ہے اب تھا یہیں میں زار ہم پہلوئے دوست
ہجر ہے اب تھا یہیں میں زار ہم پہلوئے دوست
میرے بستر پر مجھے تڑپا رہی ہے بوئے دوست
ختم زینت ہو گئی مشاطہ نے لے لیں بلائیں
گیسوئے پر خم نے چومے شانہ و بازوئے دوست
امتحاں قوت کا ہے تلوار اٹھائی جاتی ہے
اب تو اس قابل ہوئے ہیں پنجہ و بازوئے دوست
زخم کھاتا بڑھ کے میں اور وہ لگاتا بڑھ کے تیغ
دل مرا بڑھتا تو بڑھتی قوت بازوئے دوست
گھٹ گیا یاں خون اور واں فصد کا ساماں ہوا
آ گیا غش مجھ کو جب باندھا گیا بازوئے دوست
جان آدھی رہ گئی دیکھی جو غصے کی نظر
دل پہ اک بجلی گری جب ہل گئے ابرئے دوست
مجھ کو جن سے عشق ہے ان کو ہے مجھ سے دشمنی
یاں وہ آتے تھے کہ الجھے پاؤں گیسوئے دوست
کعبہ جس کو لوگ کہتے ہیں مکاں ہے یار کا
عرش اعظم نام رکھتے ہیں زمین کوئے دوست
میرے سینے میں ہوئی کیوں خانۂ دل کی بنا
یہ مکاں بننے کے قابل تھی زمین کوئے دوست
زخمیٔ الفت ہوں میں صحت نہیں ہوگی مجھے
بھر رہی ہے دل کے زخموں میں ہوائے کوئے دوست
بخشتی ہے روح کو ہر مرتبہ اک تازگی
مجھ کو مرنے ہی نہیں دیتی ہوائے کوئے دوست
طالب دیدار ہیں ہے صاف آنکھوں سے عیاں
گو کہ منہ سے کچھ نہیں کہتے گدائے کوئے دوست
دشمن ایذا دیتے ہیں ہر مرتبہ مجھ کو رشیدؔ
غصہ آتا ہے مگر میں دیکھتا ہوں سوئے دوست
(489) ووٹ وصول ہوئے
In Urdu By Famous Poet Rasheed Lakhnavi. is written by Rasheed Lakhnavi. Enjoy reading Poem on Inspiration for Students, Youth, Girls and Boys by Rasheed Lakhnavi. Free Dowlonad by Rasheed Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends