شروع اہل محبت کے امتحان ہوئے
شروع اہل محبت کے امتحان ہوئے
اب ان کو ناز ہوا ہے کہ ہم جوان ہوئے
سبھوں کی آ گئی پیری جو تم جوان ہوئے
زمیں کا دل ہوا مٹی خم آسمان ہوئے
غضب سے کم نہیں ہوتا وفور رحمت بھی
میں ڈر گیا وہ زیادہ جو مہربان ہوئے
ارے ذرا مرے دل سے یہ کوئی پوچھ آئے
اسی طرح وہ خفا ہیں کہ مہربان ہوئے
کھلا نیا کوئی گل دور دور پہنچی بو
نہ کیوں جہاں میں ہو شہرت کہ وہ جوان ہوئے
دل و جگر کی جگہ داغ تک نہیں باقی
جو نامدار پڑے تھے وہ بے نشان ہوئے
دل و جگر میں نہیں جان تن کا ذکر ہے کیا
ہمارے مرنے سے خالی کئی مکان ہوئے
گزشتگاں کے جو قصے بیان کرتے تھے
اب ان کے ذکر بھی کانوں کو داستان ہوئے
عوض نماز جنازہ کے میرے لاشے پر
تمام قصۂ مہر و وفا بیان ہوئے
گیا دل اس کا وہ آ بیٹھے جس کے پہلو میں
بس اس کی جان گئی جس پہ مہرباں ہوئے
وہ قتل کرتے مگر رحم آ گیا ہے رشیدؔ
یہ میرے نالے مرے واسطے امان ہوئے
(537) ووٹ وصول ہوئے
In Urdu By Famous Poet Rasheed Lakhnavi. is written by Rasheed Lakhnavi. Enjoy reading Poem on Inspiration for Students, Youth, Girls and Boys by Rasheed Lakhnavi. Free Dowlonad by Rasheed Lakhnavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends