عشق میں دل لگی سی رہتی ہے
عشق میں دل لگی سی رہتی ہے
غم بھی ہو تو خوشی سی رہتی ہے
دل میں کچھ گدگدی سی رہتی ہے
منہ پر ان کے ہنسی سی رہتی ہے
یہ ہوا ہے خدا خدا کر کے
رات دن بے خودی سی رہتی ہے
حشر کے دن بھی کچھ گنہ کر لوں
معصیت میں کمی سی رہتی ہے
صدقے میں اپنے غنچہ دل کے
یہ کلی کچھ کھلی سی رہتی ہے
اتنی پی ہے کہ بعد توبہ بھی
بے پیے بے خودی سی رہتی ہے
عیش بھی ہو تو لطف عیش نہیں
ہر دم افسردگی سی رہتی ہے
شب غم کی سحر میں نور کہاں
صبح بھی شام ہی سی رہتی ہے
یہ نہیں ہے کہ پردہ پڑ جائے
نشہ میں آگہی سی رہتی ہے
رہتے ہیں گل لحد کے پژمردہ
شمع بھی کچھ بجھی سی رہتی ہے
ہو گئی کیا بلا مرے گھر کو
رات دن تیرگی سی رہتی ہے
اب جنوں کی عوض ہے یاد جنوں
ہاتھ میں ہتھکڑی سی رہتی ہے
کف پا سے حنا نہیں چھٹتی
آگ یہ کچھ دبی سی رہتی ہے
تیری تصویر ہو کہ تیغ تری
ہم سے ہر دم کھنچی سی رہتی ہے
بدلے بوتل کے اب حرم میں ریاضؔ
ہاتھ میں زمزمی سی رہتی ہے
(387) ووٹ وصول ہوئے
In Urdu By Famous Poet Riyaz Khairabadi. is written by Riyaz Khairabadi. Enjoy reading Poem on Inspiration for Students, Youth, Girls and Boys by Riyaz Khairabadi. Free Dowlonad by Riyaz Khairabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends