اس حسن کا شیدا ہوں اس حسن کا دیوانہ
اس حسن کا شیدا ہوں اس حسن کا دیوانہ
ہر گل ہے جہاں بلبل ہر شمع ہے پروانہ
پتھر پڑیں دونوں پر کعبہ ہو کہ بت خانہ
دونوں سے کہیں اچھا دیوانے کا پروانہ
کہتا ہے انا لیلیٰ کیسا ہے یہ دیوانہ
نبھنے کا نہیں دو دن اب قیس سے یارانہ
کعبہ ہو کلیسا ہو دل ہو کہ صنم خانہ
جلوہ ہو جہاں تیرا آباد وہ کاشانہ
چھوٹا سا مرا دل ہے ٹوٹا سا مرا دل ہے
صورت میں تو پیمانہ وسعت میں ہے مے خانہ
دل سے ہے لگی یہ لو اک ذرہ برابر ضو
پڑ جائے ترا پرتو اے جلوۂ جانانہ
بیگانہ یگانہ ہے دل آئینہ خانہ ہے
کعبے کا یہ کعبہ ہے بت خانے کا بت خانہ
ہے جوش جنوں پر وہ اے عشق خرد آگہ
فرزانہ ہے دیوانہ دیوانہ ہے فرزانہ
فرہاد بھی مجنوں بھی لیتے ہیں قدم میرے
ایسا بھی نہ ہو کوئی اس عشق میں دیوانہ
یاد آئی بہت ہم کو ٹوٹی ہوئی توبہ بھی
دیکھا جو کہیں ہم نے ٹوٹا ہوا پیمانہ
شیشے کی پری تجھ میں کیا حسن کا عالم ہے
ساقی نہ ہو پھر بھی تو یہ گھر ہے پری خانہ
دے کوئی سکھی داتا مے خانہ بڑا گھر ہے
آتا ہے صدا دیتا شب کو کوئی مستانہ
بہکے ہوئے لوگوں میں سب سے ہیں ریاضؔ اچھے
رفتار ہے مستانہ گفتار ہے رندانہ
(454) ووٹ وصول ہوئے
In Urdu By Famous Poet Riyaz Khairabadi. is written by Riyaz Khairabadi. Enjoy reading Poem on Inspiration for Students, Youth, Girls and Boys by Riyaz Khairabadi. Free Dowlonad by Riyaz Khairabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends