ہوائے زندگی بھی کوچۂ قاتل سے آتی ہے
ہوائے زندگی بھی کوچۂ قاتل سے آتی ہے
سمجھ اس بات کی لیکن ذرا مشکل سے آتی ہے
یوں ہی ہوتی نہیں ہے وسعت فکر و نظر پیدا
بصارت میں بصیرت در حقیقت دل سے آتی ہے
کمال عشق کا یوں بھی کبھی انداز ہوتا ہے
سوئے پروانہ شمع چل کے خود محفل سے آتی ہے
خیالوں میں غم سود و زیاں کچھ بھی نہیں رہتا
محبت کی یہ خوبی سعئ لا حاصل سے آتی ہے
وہ عالم کون سا عالم ہے جو پنہاں نہیں مجھ میں
جو گوش فکر وا ہو یہ صدا بھی دل سے آتی ہے
کوئی طوفان بس آنے ہی والا ہے سمندر میں
کہ بو اس بات کی خاموشیٔ ساحل سے آتی ہے
نگاہیں قیس کی یوں ہی نہیں ہیں محو نظارہ
ضیا لیلیٰ کی ہے جو پردۂ محمل سے آتی ہے
نہیں آتی ہے جب یہ تو کسی پر بھی نہیں آتی
مگر آتی ہے جب اپنی طبیعت دل سے آتی ہے
نہیں رہتا تفاوت جب وصال و ہجر میں کچھ بھی
یہ منزل انتظار شوق میں مشکل سے آتی ہے
لہو کی چھینٹ تک قاتل کے دامن پر نہیں کوئی
تڑپنے کی ادا ایسی بڑی مشکل سے آتی ہے
(775) ووٹ وصول ہوئے
In Urdu By Famous Poet Rohit Soni 'Tabish'. is written by Rohit Soni 'Tabish'. Enjoy reading Poem on Inspiration for Students, Youth, Girls and Boys by Rohit Soni 'Tabish'. Free Dowlonad by Rohit Soni 'Tabish' in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends