ٹریپ
سانپ کا زہر
ہمارے جسم میں داخل ہو کر
مستی میں نعرہ لگاتا ہے
خون کی ہر بوند میں اترتے ہوئے
لطف و انبساط سے
ناچنے لگتا ہے
ہمارا بدن
اس کے لیے
تمام شریانوں کے در کھول دیتا ہے
مدافعت کے لیے بنائے گئے تمام مورچے
منہدم ہو جاتے ہیں
چند گھنٹوں میں
سارا جسم تاراج ہو جاتا ہے
تھکن سے چور زہر
ایک نیند لینے کا فیصلہ کرتا ہے
لیکن اس کی نیند جلد ہی ٹوٹ جاتی ہے
ہمارے بدن کا تعفن اس کی برداشت سے باہر ہے
جسم کے اندھیرے میں
سانپ کا زہر
ٹھوکریں کھاتا پھرتا ہے
اسے جسم سے باہر نکلنے کا راستہ نہیں ملتا
وہ دوڑ دوڑ کر ہانپ جاتا ہے
ایک مردہ بدن میں
ایڑیاں رگڑ رگڑ کر
بالآخر
خود بھی مر جاتا ہے
(478) ووٹ وصول ہوئے
In Urdu By Famous Poet Saeeduddin. is written by Saeeduddin. Enjoy reading Poem on Inspiration for Students, Youth, Girls and Boys by Saeeduddin. Free Dowlonad by Saeeduddin in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends