کسی رت میں جب مسکراتا ہے تو
کسی رت میں جب مسکراتا ہے تو
نمو پتھروں میں جگاتا ہے تو
ترا شعلۂ نطق روح رواں
افق تا افق پھیل جاتا ہے تو
کبھی کھولتا ہے سمندر کے راز
کبھی ایک قطرہ چھپاتا ہے تو
کبھی غرق کر دے سفینے ہزار
کبھی ایک کشتی تراتا ہے تو
کبھی پھونک دے وادئ گل تمام
کبھی آگ میں گل کھلاتا ہے تو
کبھی شرح لا تقنطو کے لئے
سرابوں میں دریا بہاتا ہے تو
گوارا نہیں تجھ کو ویرانیاں
خرابوں کو پھر سے بساتا ہے تو
سیہ سخت موجوں کے آسیب میں
جزیرے دھنک رنگ اگاتا ہے تو
ترے اذن سے اندھی آنکھوں میں نور
کبھی خاک میں رم جگاتا ہے تو
کرن بھیج کر ایک ظلمات کی
شہنشاہوں کو زلزلاتا ہے تو
اجالوں میں ہیں تیری رنگینیاں
اندھیروں میں شمعیں جلاتا ہے تو
(464) ووٹ وصول ہوئے
In Urdu By Famous Poet Saleem Shahzad. is written by Saleem Shahzad. Enjoy reading Poem on Inspiration for Students, Youth, Girls and Boys by Saleem Shahzad. Free Dowlonad by Saleem Shahzad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends