خموشی میں چھپے لفظوں کے حلیے یاد آئیں گے
خموشی میں چھپے لفظوں کے حلیے یاد آئیں گے
تری آنکھوں کے بے آواز لہجے یاد آئیں گے
تصور ٹھوکریں کھاتے ہوئے قدموں سے الجھے گا
ابھرتی ڈوبتی منزل کے رستے یاد آئیں گے
مجھے معلوم ہے دم توڑ دے گی آگہی میری
جو لمحے بھولنے کے ہیں وہ لمحے یاد آئیں گے
کبھی اپنے اکیلے پن کے بارے میں جو سوچو گے
تمہیں ٹوٹے ہوئے کچھ خاص رشتے یاد آئیں گے
کچھ ایسا ہو کہ تصویروں میں جل جائے تصور بھی
محبت یاد آئے گی تو شکوے یاد آئیں گے
جو تیرا جسم چھو کر میری سانسوں میں سماتے تھے
ہر آہٹ پر وہی خوشبو کے جھونکے یاد آئیں گے
بھلے اوراق ماضی چاٹ جائے وقت کی دیمک
جو قصے یاد آنے ہیں وہ قصے یاد آئیں گے
جہاں تم سے بچھڑنے کا سبب آنکھیں بھگوئیں گے
وہیں اپنی محبت کے وسیلے یاد آئیں گے
سلیمؔ آخر گئے وقتوں کی قبریں کھودیے کیوں کر
دل معصوم کو اپنے کھلونے یاد آئیں گے
(512) ووٹ وصول ہوئے
In Urdu By Famous Poet Sardar Saleem. is written by Sardar Saleem. Enjoy reading Poem on Inspiration for Students, Youth, Girls and Boys by Sardar Saleem. Free Dowlonad by Sardar Saleem in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends