بے وفائی سے وفاؤں کا صلہ مت دینا

بے وفائی سے وفاؤں کا صلہ مت دینا

بد دعا دینے سے اچھا ہے دعا مت دینا

تہمتیں آپ کے دامن سے لپٹ سکتی ہیں

آگ جب سلگی ہوئی ہو تو ہوا مت دینا

گل کھلا سکتا ہے آوارہ خیالی کا سفر

ذہن حساس کو خوشبو کا پتا مت دینا

جن سے منسوب ہے تاریخ رواداری کی

آندھیو ایسے درختوں کو گرا مت دینا

جو مکاں لمس شناسی کا ہنر جانتے ہیں

ان کو دستک کی ضرورت ہے صدا مت دینا

مجھ کو سادات کی نسبت کے سبب میرے خدا

عاجزی دینا تکبر کی ادا مت دینا