اب کہاں لے کے چھپیں عریاں بدن اور تن جلا
اب کہاں لے کے چھپیں عریاں بدن اور تن جلا
دھوپ ایسی ہے کہ سائے سے بھی پیراہن جلا
چھین لو احساس مجھ سے چھین لو میرا شعور
اس گھٹا میں تن پھنکا اس روشنی سے من جلا
زندگی دشت سراب اور سر پہ اک سورج محیط
میں تو میں ہوں میرے سائے کا بھی سب تن من جلا
کس صدا کی ضرب سے ٹوٹا سکوت سنگ دشت
ایک چنگاری اڑی سارا کا سارا بن جلا
دل جو تھا سینے میں بچ سکتے تھے کب اہل خرد
شہر میں اک شور تھا دامن جلا دامن جلا
دل دکھوں کی خاک پر کی شب نشینی ماہ نے
دن کبھی نکلا تو اک سورج سر مدفن جلا
تیرگی کی آندھیاں اٹھتی رہیں ہر نور سے
اک چراغ ایسا ہے سینے میں کہ بے روغن جلا
رفتہ رفتہ ہو گئے دست طلب اہل جنوں
راستوں پر سب لیے بیٹھے ہیں اک دامن جلا
گھٹ کے رہ سکتی تھی کب تک آتش رنگ بہار
ضرب موسم بھی کچھ ایسی تھی کہ سب گلشن جلا
جل گیا تو کیا ہوا آخر تو میں کندن ہوا
ہم نشیں دامن کی کیا جب من جلا دامن جلا
(604) ووٹ وصول ہوئے
In Urdu By Famous Poet Shahab Jafri. is written by Shahab Jafri. Enjoy reading Poem on Inspiration for Students, Youth, Girls and Boys by Shahab Jafri. Free Dowlonad by Shahab Jafri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends